Երևանը Պետդումայի ընտրությունների ամենաակտիվ արտերկրյա տեղամասերից է․ Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան նշել է արտերկրում գտնվող այն ռուսական ընտրատեղամասերը, որտեղ քվեարկության ակտիվությունը ամենաբարձրն է։

«Ամենաակտիվ ընտրատեղամասերի թվում առաջատարներ են դարձել Երևանը, Բելգրադը, Կիպրոսը, Քիշնևը, Փհենյանը, Փհուկետը և Ղազախստանը»,- ասել է Զախարովան «Վեստի» տեղեկատվական եթերում։

Ռուսաստանում Պետդումայի 9-րդ գումարման ընտրությունները մեկնարկել էին սեպտեմբերի 18-ին և ավարտվել սեպտեմբերի 20-ին։ Հայաստանում ընտրությունների անցկացման համար ձևավորվել էին երկու հիմնական ընտրատեղամասեր՝ Երևանի Ռուսաստանի դեսպանատանը և Գյումրիի գլխավոր հյուպատոսությունում։

Նրա խոսքով՝ այս տարվա ընտրություններում ընտրողների մասնակցությունը «չափազանց բարձր» է և նախորդ ընտրությունների համեմատ ավելի ակտիվ դինամիկա է արձանագրվում։

Բոլոր ընտրատեղամասերի փակման պահին ընտրողների մասնակցությունը կազմել է 56,66 տոկոս, որը նախորդ ընտրությունների համեմատ շուրջ հինգ տոկոսային կետով բարձր է։

Ընտրությունների նախնական արդյունքները կհրապարակվեն սեպտեմբերի 21-ին Մոսկվայի ժամանակով 11։00-ին։

Դաշնային կուսակցական ցուցակներով ընտրություններին մասնակցում է տասը կուսակցություն։ Ընդհանուր առմամբ պետք է ընտրվի 450 պատգամավոր։ Խորհրդարան անցնելու համար կուսակցությունները պետք է հաղթահարեն 5%-ի շեմը։