Մոսկվայում հարյուրավոր չվերթներ են չեղարկվել

Ուկրաինական անօդաչուների հնարավոր հարձակումների պատճառով Մոսկվայի չորս օդանավակայաններն էլ արդեն երկու գիշեր շարունակ դադարեցնում են թռիչքները։ Հոկտեմբերի 17-ի գիշերը սահմանափակումների մասին հայտնել է «Ռոսավիացիան»։

«Մեդուզա»-ի հաշվարկով՝ հետաձգվել կամ չեղարկվել է 350-ից ավելի չվերթ։ Ամենից շատ տուժել է «Շերեմետևոն»։

Մոսկվա թռչող ինքնաթիռների մի մասը վայրէջք է կատարել այլ քաղաքներում:

Մոսկվայի քաղաքապետ Սերգեյ Սոբյանինի տվյալներով՝ գիշերը մայրաքաղաքի վրա է ուղղվել 140-ից ավելի անօդաչու։

Թռիչքները սահմանափակվել են Ռուսաստանի ընդհանուր 12 օդանավակայանում, այդ թվում՝ Սոչիում, Կալուգայում, Սարատովում և Յարոսլավլում։ Սահմանափակումների ընդհանուր տևողությունը կազմել է 75 ժամ։