Սանկտ Պետերբուրգը և Լենինգրադի մարզը ենթարկվել են ԱԹՍ-ների զանգվածային հարձակման

Սանկտ Պետերբուրգը և Լենինգրադի մարզը հոկտեմբերի 18-ի գիշերը ենթարկվել են ուկրաինական անօդաչու թռչող սարքերի զանգվածային հարձակման, հաղորդում են ռուսական լրատվամիջոցները՝ հղում անելով տեղական իշխանություններին։

Հարձակման հետևանքով հրդեհներ են բռնկվել Սանկտ Պետերբուրգի մի շարք շրջաններում և Պետերբուրգի նավթային տերմինալի տարածքում։ Քաղաքի նահանգապետ Ալեքսանդր Բեգլովի խոսքով՝ արտակարգ իրավիճակների ծառայություններն աշխատում են հրդեհները մարելու ուղղությամբ։

ԱԹՍ-ների բեկորների ընկնելու հետևանքով Վսևոլոժսկի շրջանում բնակելի շենքում հրդեհ է բռնկվել։ Շմոլ գազից թունավորմամբ հոսպիտալացվել է չորս մարդ։

Հարձակման հետևանքով խափանվել է էլեկտրամատակարարումը։ Յանինոյում երկու տրանսֆորմատորային ենթակայանների անջատման պատճառով առանց էլեկտրաէներգիայի է մնացել շուրջ 20 հազար բնակիչ։

Անվտանգության նկատառումներով ժամանակավորապես սահմանափակվել է Սանկտ Պետերբուրգի Պուլկովո օդանավակայանի աշխատանքը։