Էրդողանն ու Ալիևը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Ըստ ադրբեջանական APA գործակալության՝ կողմերը քննարկել են երկկողմ հարաբերություններն ու տարածաշրջանային հարցեր, իսկ Էրդողանը Ալիևին հրավիրել է հոկտեմբերի 29-30-ին Անկարայում կայանալիք Թյուրքական պետությունների կազմակերպության գագաթնաժողովին։

Զրույցը տեղի է ունեցել երկու երկրի միջև վերջին օրերի լարվածության ֆոնին։ Զրույցից ժամեր առաջ Ադրբեջանն արգելել էր Թուրքիայի 31 քաղաքացու մուտքը, այդ թվում՝ լրագրողների ու քաղաքական գործիչների՝ մեղադրելով նրանց իշխանության բռնի տապալման կոչերի և կրոնական ատելություն հրահրելու մեջ։ Մեկ օր առաջ էլ Բաքուն ձերբակալության օրդեր էր տվել Թուրքիայի յոթ քաղաքացու նկատմամբ։

Լարվածություն էր առաջացել նաև Ադրբեջանի դպրոցներում հիջաբ կրելու սահմանափակումների և Բաքվի՝ Իսրայելի հետ հարաբերությունների շուրջ։