Արարատի մարզի Սիփանիկ գյուղի վարչական ղեկավարն ու նրա որդին ձերբակալվել են առանց համապատասխան թույլտվության ձկնաբուծությամբ զբաղվելու կասկածանքով, հայտնում է ՆԳՆ ոստիկանությունը։
Ըստ նախնական տվյալների՝ պետությանը պատճառվել է ավելի քան 17 մլն դրամի վնաս։
Հոկտեմբերի 22-ին կատարված ստուգմամբ պարզվել է, որ վարչական ղեկավարն ու նրա որդին գյուղատնտեսական նշանակության վարձակալված հողատարածքում կառուցել են չորս լճակ։ Դրանք շահագործելու համար խորքային հորից վայրկյանում 40 լիտր ջուր է մղվել՝ առանց ջրօգտագործման թույլտվության։
Պատմություններ
