Վարչապետ Նիկոլ Փաշինյանը Բրյուսելում հանդիպել է Եվրոպական հանձնաժողովի ընդլայնման և արևելյան հարևանության հարցերով գլխավոր տնօրինության ղեկավար Գերտ Յան Կուպմանի հետ։ Այս մասին հայտնում են կառավարությունից։
Ըստ հաղորդագրության՝ հանդիպմանը քննարկվել են Հայաստան-Եվրոպական միություն հարաբերություններին և համատեղ ծրագրերի ընթացքին վերաբերող հարցեր։
Մտքեր են փոխանակվել նաև տնտեսության, էներգետիկայի և այլ ոլորտներում համագործակցության հեռանկարների շուրջ։
Նիկոլ Փաշինյանը նոյեմբերի 3-ին աշխատանքային այցով Բրյուսելում է՝ մասնակցելու Euronews հեռուստաընկերության կազմակերպած «ԵՄ ընդլայնման գագաթնաժողով 2026»-ին։ Այցի շրջանակում նախատեսված են նաև երկկողմ հանդիպումներ արտերկրի գործընկերների հետ։
Պատմություններ
