Հայաստանը զրկվեց ՀԱՊԿ-ում ձայնի իրավունքից

Հայաստանը զրկվել է Հավաքական անվտանգության պայմանագրի կազմակերպությունում (ՀԱՊԿ) ձայնի իրավունքից։ Юнашев Live-ին տված մեկնաբանության ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Հարցը քննարկվել է, և համապատասխան որոշում է ընդունվել։ Քանի որ Հայաստանը մի քանի տարի շարունակ չի կատարել իր պարտավորությունները, կազմակերպության կանոնադրության համաձայն՝ առաջարկվել և որոշվել է Հայաստանին զրկել ձայնի և ՀԱՊԿ-ում պատասխանատու պաշտոններում իր ներկայացուցիչներին նշանակելու իրավունքից»,- հայտարարել է Պեսկովը։

Հայաստանը 2023 թվականի սեպտեմբերից սառեցրել է ՀԱՊԿ-ին իր մասնակցությունը: Իշխանությունն այդ որոշումը բացատրել էր նրանով, որ Հավաքական անվտանգության պայմանագրի կազմակերպությունը 2021-2022 թվականների ընթացքում չի կատարել իր պարտավորությունները Երևանի նկատմամբ։