Գլխավոր Լրահոս

Կոմունիզմ քարոզելու մեջ մեղադրվող ադրբեջանցի տղամարդիկ պարտվել են վերաքննիչ դատարանում

Կոմունիզմ քարոզելու մեջ մեղադրվող ադրբեջանցի տղամարդիկ պարտվել են վերաքննիչ դատարանում

Կադրը՝ երթի տեսանյութից

Հոդվածի թարգմանությունը՝ OC Media-ի հետ համագործակցության շրջանակում։

Ադրբեջանի վերաքննիչ դատարանը ուժի մեջ է թողել չորս տղամարդու ազատազրկման դատավճիռները։ Նրանք մեղադրվում են սոցիալական ցանցերում կոմունիզմ քարոզելու և խորհրդային դրոշներով երթ կազմակերպելու փորձի մեջ։ Սա երկրում խորհրդային խորհրդանիշների ցուցադրմանն առնչվող վերջին մի քանի գործերից մեկն է։

Գործը սկսվել է 2025-ի նոյեմբերին, երբ սոցիալական ցանցերում տեսանյութեր էին տարածվել, որոնցում մի խումբ մարդիկ փորձում էին խորհրդային դրոշներով երթ անցկացնել: Իշխանությունն այս գործողությունները բնութագրել էր որպես կոմունիստական գաղափարախոսության քարոզ։ Ներքին գործերի նախարարությունը բացահայտել էր ենթադրյալ կազմակերպիչներին։ Նրանք ձերբակալվել էին։

Չորս տղամարդկանց մեղադրանք է առաջադրվել հասարակական կարգի խախտման հանգեցնող գործողություններ կազմակերպելու կամ դրանց ակտիվորեն մասնակցելու համար։

Նոյեմբերի 18-ին դատարանը մերժել է մեղադրյալների բողոքները և անփոփոխ թողել առաջին ատյանի դատավճիռները։ Իբրահիմ Ասադլին և Աբդուլլա Իբրահիմլին դատապարտվել էին երկուական տարվա ազատազրկման, իսկ Էլչին Բայրամլին և Մեհման Զեյնալովը՝ 18-ական ամսվա։

Սա առաջին դեպքը չէ, երբ Խորհրդային Միության դրոշների օգտագործումը Ադրբեջանում հանգեցրել է քրեական հետապնդման։

2025-ի մայիսին Իմիշլիի շրջանի Ավագների խորհրդի նախկին ղեկավար Սալեհ Սամադովը պաշտոնից ազատվել էր Հաղթանակի օրվան նվիրված միջոցառմանը մասնակցելուց հետո։ Նրա ձեռքին խորհրդային դրոշ և Սուրբ Գեորգիի ժապավեն էր։ Ավելի ուշ նրան ձերբակալել էին յուրացման մեղադրանքով։

Նման գործերը բազմիցս հարցեր են առաջացրել խորհրդային խորհրդանիշների ցուցադրման և կոմունիստական գաղափարախոսության քարոզի համար մարդկանց քրեական հետապնդման իրավական հիմքերի վերաբերյալ, քանի որ դրանցից ոչ մեկը Ադրբեջանում հստակորեն արգելված չէ։

Կազմակերպություն

Տեղադրություն

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում