CivilnetՄադրիդի «Ռեալի» հարձակվող Կրիշտիանո Ռոնալդուն երեկ իր առաջին գնդակն է խփել Չեմպիոնների լիգայի այս տարվա խաղարկությունում։ Նրա թիմը հաղթել է շվեյցարական «Բազելին» 5։1 հաշվով, իսկ Ռոնալդուն առաջին խաղակեսում խփել է «Ռեալի» երրորդ գնդակը։
Այսպիսով, պորտուգալացի ֆուտբոլիստը Չեմպիոնների լիգայի ընդհանուր հաշվարկում իր գոլերի թիվը հասցրել է 68-ի՝ շրջանցելով «Բարսելոնայի» առաջատար Լիոնել Մեսսիին։
Ներկայում Ռոնալդուն ընդհանուր հաշվարկում երկրորդն է։ Նա զիջում է միայն իսպանացի ֆուտբոլիստ Ռաուլին, ով նույնպես «Ռեալի» առաջատարներից էր։ Ռաուլի հաշվեկշռում գրանցված է 71 գնդակ։ Տեղեկացնենք նաև, որ բացի «Ռեալից» Ռաուլը գոլերի հեղինակ է դարձել նաև գերմանական «Շալկեի» կազմում։
