Քրեական արդարադատությունը դարձել է մահակ. Հասմիկ Հարությունյան

Հոգևորականների դեմ քրեական գործերը ցույց են տալիս, որ քրեական արդարադատությունն օգտագործվում է որպես այլակարծությունը ճնշելու մահակ. ասում է «Իրավունքների պաշտպանություն առանց սահմանների» ՀԿ փորձագետ Հասմիկ Հարությունյանը ՍիվիլՆեթի Արշալույս Մղդեսյանի հետ զրույցում: Ըստ իրավապաշտպանի՝ այլևս նախկինի պես ուղիղ զանգերի կամ ցուցումների անհրաժեշտություն չկա. ստեղծվել է այնպիսի մթնոլորտ, որտեղ դատախազներն ու դատավորները գործում են իշխանության ակնկալիքներին համահունչ։ Այսպիսով, համակարգը սկսել է սպասարկել քաղաքական նպատակահարմարությունը՝ առանց ուղղակի միջամտության անհրաժեշտության։