Կաթողիկոս փոխելու նախաձեռնությունը չպետք է գա իշխանությունից. Աննա Մելիքյան
Արշալույս Մղդեսյան«Կառավարությունը իրավունք չունի միջամտելու եկեղեցու ներքին՝ կանոնական և կառավարման հարցերին», - ասում է իրավական հարցերով փորձագետ Աննա Մելիքյանը։
ՍիվիլՆեթի տաղավարում Աննա Մելիքյանի հետ քննարկում ենք վարչապետ Նիկոլ Փաշինյանի հանձնարարությամբ պատրաստված զեկույցը, որի հեղինակները Հայ Առաքելական եկեղեցում առկա իրավիճակը բնորոշում են որպես «ճգնաժամ» և առաջարկում դրա լուծման ուղիներ։ Որտե՞ղ է անցնում պետության և եկեղեցու հարաբերություններում միջամտության «կարմիր գիծը», և ի՞նչ է իրականում նշանակում եկեղեցու՝ պետությունից անջատ լինելն ու ինքնավարությունը։
Մելիքյանը բացատրում է՝ պետությունը կարող է և պարտավոր է գործել, երբ խոսքը հնարավոր հանցագործությունների, հարկային վերահսկողության, ֆինանսական թափանցիկության կամ այլ իրավախախտումների մասին է, սակայն Կաթողիկոսի կանոնական համապատասխանությունը, եկեղեցու ղեկավարության փոփոխությունը և ներքին կառավարման հարցերը, ըստ նրա, դուրս են կառավարության իրավասությունից։
