Գլխավոր Լրահոս

Արձագանքի կարիք չենք տեսնում․ Փաշինյանը՝ Իսրայելի որոշման մասին

Հասանելի է

français
Արձագանքի կարիք չենք տեսնում․ Փաշինյանը՝ Իսրայելի որոշման մասին

Հայաստանի կառավարությունը չի պատրաստվում պաշտոնապես արձագանքել Իսրայելի կառավարության կողմից Հայոց ցեղասպանությունը ճանաչելու որոշմանը։ Այդ մասին հունիսի 29-ին լրագրողների հետ զրույցում ասաց վարչապետ Նիկոլ Փաշինյանը։

«Արձագանքի կարիք չենք տեսնում, որովհետև Հայոց ցեղասպանության զենքայնացման թեմայի մեջ չմտնելը բխում է Հայաստանի շահերից»,– ընդգծեց Փաշինյանը։

Իսրայելի կառավարությունը հունիսի 28-ին պաշտոնապես քվեարկեց Հայոց ցեղասպանությունը ճանաչելու օգտին՝ հավանություն տալով արտաքին գործերի նախարար Գիդեոն Սաարի կողմից անցած շաբաթ ներկայացված բանաձևի նախագծին։ 

«Երբեք ուշ չէ ճիշտ քայլն անելու համար»,- քվեարկությունից հետո հայտարարել է Սաարը։

Բանաձևն այժմ ներկայացվելու է Իսրայելի խորհդարան՝ Կնեսետի լիագումար նիստ՝ վերջնական քվեարկության։

Պաշտոնական Անկարան, արձագանքելով Հայոց ցեղասպանությունը ճանաչելու Իսրայելի կառավարության որոշմանը, Իսրայելի ղեկավարությանը մեղադրել է «պատմական ու իրավական իրողությունները անտեսելու և պաղեստինցիների դեմ իրականացրած գործողությունները քողարկելու մեջ»։  

Այս որոշումը լուրջ մտահոգություններ է առաջացրել Ադրբեջանում։ Բաքվի մտահոգությունների մասին հայտարարել են այդ երկրի արտգործնախարարությունից։ Ըստ Ադրբեջանի ԱԳՆ-ի՝ անընդունելի է «բարդ պատմական գործընթացները քաղաքական որոշումների առարկա դարձնելը»։

Դիտեք նաև՝

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում