«Շտապողական և նույնիսկ ագրեսիվ»․ Ռուսաստանի ԱԳՆ խոսնակ Մարիա Զախարովան այսպես է որակել Հայաստանի վարչապետ Նիկոլ Փաշինյանի արձագանքը ԵԱՏՄ-ի վերաբերյալ զեկույցին։
Հոկտեմբերի 20-ին Ռուսաստանի, Բելառուսի, Ղազախստանի և Ղրղզստանի ներկայացուցիչները զեկույց էին ներկայացրել Հայաստանի նկատմամբ ԵԱՏՄ պայմանագրի գործողության հնարավոր կասեցման իրավական և տնտեսական հետևանքների մասին։
Անդրադառնալով փաստաթղթին՝ Փաշինյանն այն անվանել էր «երկրի ներսում ապակայունացում հրահրելու և անկախությունից զրկելու երրորդ փորձը»։
Զախարովան հոկտեմբերի 28-ի ճեպազրույցում նշել է, որ զեկույցի պատրաստումը նորություն չէր։ Նրա խոսքով՝ այդ հարցով հանձնարարականը ներառող՝ Ռուսաստանի, Բելառուսի, Ղազախստանի և Ղրղզստանի նախագահների հայտարարությունն ընդունվել էր դեռևս այս տարվա մայիսին։
Զախարովան անդրադարձել է նաև Հայաստանի՝ Եվրամիությանն անդամակցելու հեռանկարին։ Նրա պնդմամբ՝ Հայաստանի իշխող շրջանակները Ռուսաստանի ներկայացուցիչների հետ զրույցներում ընդունում են, որ ԵՄ-ին միանալու փորձերը հեռանկար չունեն, սակայն հրապարակայնորեն այդ մասին չեն խոսում։
Պատմություններ
