CivilnetՆիկոլ Փաշինյանի` Մալաթիա Սեբաստիա համայնքում քարոզարշավ անցկացնելու փորձերը մի քանի անգամ տապալվեցին մի խումբ ագրեսիվ քաղաքացիների հարձակումների պատճառով: Հիմնական «ծանր հրետանին» կանայք էին:
Խոսակցություններ էին պտտվում, թե նրանք բոլորն ուղարկված էին Սամվել Ալեքսանյանի կողմից:
ՍիվիլՆեթ-ի խմբագրությունը նամակ է ստացել, որի հեղինակը խնդրել է անհայտ մնալ: «Հարգելի Սիվիլնեթ, հետևում են մշտապես ձեր հրապարակումներին և վստահ եմ, որ դուք չեք անտեսի սա: Ուղարկում եմ ձեզ մի լուսանկար, որն արել եմ անձամբ «Փարվանա» ռեստորանում դեկտեմբերին: Նկարի վրա պատկերված կինը ռեստորանի հենց սրահի ներսում գործող լավաշ թխողն է: Նաև կից տեսեք Նիկոլ Փաշինյանի վրա հարձակման պահին արված «Ա1+»-ի տեսանյութը, ուշադիր եղեք 0.20 րոպեից սկսած, նկարում և տեսանյութում կանայք նույնն են :)»,-ասված է նամակում:
