Կանայք՝ Հայաստանի Առաջին հանրապետությունում

Հայաստանում կանայք ընտրելու և ընտրվելու իրավունք ունեցել են Առաջին հանրապետության ժամանակներից։

1919-ի մարտին կայացան խորհրդարանական առաջին ընտրությունները։ 80 տեղանոց խորհրդարանում 3 կին ընտրվեց՝ ՀՅԴ-ից։

Կատարինե Զալյան-Մանուկյանն Առաջին հանրապետության հիմնադիրներից Արամ Մանուկյանի կինն էր։

Նա պատգամավոր է ընտրվել ամուսնու մահից երկու ամիս անց։

Կատարինեն բժշկուհի էր, նվիրվել է որբերի և գաղթականների օգնության գործին։

Պերճուհի Պարտիզպանյան-Բարսեղյանը գրող էր։

Ստեղծագործել է Էտնա կեղծանունով։

Հայաստանի Հանրապետության անկումից հետո շատերի պես բռնել է գաղթի ճամփան։

Վարվառա (Վարյան) Սահակյանը Հայաստանի առաջին խորհրդարանի նախագահ Ավետիք Սահակյանի կինն էր։

Ընդգրկվել է կրթական ծրագրերում։ Հայաստանի խորհրդայնացումից հետո ամուսինը բանտարկվել է։

Խորհրդարանից զատ՝ Դիանա Աբգարը առաջին կին դիվանագետներից էր աշխարհում։ 1920-ին նշանակվել է հյուպատոս Ճապոնիայում։

Առաջին աշխարհամարտի նախօրեին և ժամանակ նա դասախոսել և աշխատակցել է The Japan Gazette անգլալեզու թերթին։ 

Թղթակցել է նաև The Times-ին, Le Figaro-ին։