Իսրայելի ու ԱՄՆ-ի նպատակը մեկն է՝ թուլացնել Իրանն ու փոխել վարչակարգը

Այս պահին Իսրայելի և Իրանի առճակատմանը ԱՄՆ-ի ուղիղ ներգրավման հավանականությունը ցածր է՝ ամերիկյան կողմը կորցնելու շատ բան ունի. ՍիվիլՆեթի Ստելլա Մեհրաբեկյանի հետ զրույցում նշում է ամերիկահայ հասարակական-քաղաքական գործիչ Վիգէն Յովսէփեանը։ Գնահատելով ԱՄՆ-ի իսրայելական քաղաքականությունը Բայդենի և Թրամփի վարչակազմերի օրոք՝ Յովսէփեանը նկատում է, որ այն չի փոխվում, բայց ոճն է տարբեր՝ Թրամփն ամեն ինչին մոտենում է սև-սպիտակ տրամաբանությամբ։ ՍիվիլՆեթի զրուցակիցը չի բացառում, որ առաջիկա շաբաթներին Իրանում բողոքի ալիք բարձրանա և խռովություններ սկսեն, ինչն ի վերջո կհանգեցնի իշխանափոխության։ Նա նաև անդրադառնում է ԱՄՆ-ում հանրային ընկալումներին արտաքին քաղաքական թեժ հարցերի վերաբերյալ։