Աղակալած հողեր. ինչպես վերակենդանացնել Հայաստանի «մեռած» դաշտերը

Արարատյան դաշտում բազմաթիվ աղակալած հողակտորներ կան, որոնք անպիտան են գյուղատնտեսության համար։

Խորհրդային տարիներին այս հողերի աղազերծումը կատարվում էր հիմնականում Ռուսաստանից բերվող ծծմբական թթվի միջոցով։ ԽՍՀՄ փլուզումից հետո ներկրումը դադարեց, իսկ հետագայում աղակալած հողերի դեմ պայքարը սահմանափակվեց լաբորատոր աշխատանքներով կամ փոքր տարածքների աղազերծումով։

Այսօր Հայաստանի որևէ գերատեսչություն առաջնային և երկրորդային աղակալած հողերի մասին ամբողջական, մանրամասն և ճշգրիտ տվյալներ չունի։