Ինչպե՞ս է կենցաղը կլանում կանանց կարիերան

Գործընկերային բովանդակություն

Հայաստանում մեկ շնչի հաշվով տղամարդու ստեղծած տարեկան եկամուտը (մոտ 2.5 մլն դրամ) գրեթե կրկնակի գերազանցում է կնոջ եկամուտը (մոտ 1.6 մլն դրամ), ասում է «Ամերիա» խորհրդատվական ընկերության հետազոտությունների գլխավոր խորհրդատու Արտաշես Շաբոյանը: ՍիվիլՆեթի հետ զրույցում նա վերլուծում է կանանց և տղամարդկանց տնտեսական դերերը՝ հիմնվելով «ազգային փոխանցումային հաշիվների» տվյալների վրա: Զրույցը բացահայտում է աշխատավարձերի ճեղքվածքի իրական պատճառները, կանանց և տղամարդկանց չվճարվող կենցաղային ու խնամքի աշխատանքի ծավալները:

Տեսանյութը պատրաստվել է «Ժողովրդագրական դիմակայունություն. կանանց կարողությունների և հնարավորությունների ընդլայնում՝ տվյալահեն քաղաքականության միջոցով» ծրագրի շրջանակում, որը իրականացվում է ՄԱԿ-ի Բնակչության հիմնադրամի կողմից։ Ծրագիրը ֆինանսավորվում է Միացյալ Թագավորության Միջազգային զարգացման աջակցության շրջանակում։ Տեսանյութում արտահայտված տեսակետները պարտադիր չէ, որ արտացոլեն Միացյալ Թագավորության կառավարության և ՄԱԿ–ի Բնակչության հիմնադրամի պաշտոնական դիրքորոշումները:

0:00 - Գենդերային հավասարությունը որպես տնտեսական արդյունավետության հարց

1:47 - Ինչպե՞ս է բաշխվում տնտեսական արդյունքը՝ ըստ սեռի և տարիքի

3:08 - Ինչո՞ւ ՀՆԱ-ի մեջ չի հաշվարկվում չվճարվող աշխատանքը

6:34 - Չվճարվող աշխատանքի չափումը ժամանակով

7:46 - Աշխատաշուկայում 60% տղամարդիկ են, 40%՝ կանայք

10:37 - Անհավասարության օբյեկտիվ պատճառները

13:42 - Ինչպես է երեխայի ծնունդը կանանց ժամանակավորապես դուրս մղում աշխատաշուկայից

17:24 - Կանանց և տղամարդկանց չվճարվող աշխատանքի ծավալները

18:45 - Չվճարվող աշխատանքի մոնետիզացիան. ՀՆԱ-ի 16.8%-ից մինչև 46.9% աճ 

25:44 - Արդյոք կա գենդերային անհավասարություն սպառման մեջ

32:16 - Ինչո՞ւ է անհրաժեշտ օգնել 30-40 տարեկան կանանց վերադառնալ աշխատաշուկա

35:42 - Խնամքի ենթակառուցվածքների դերը և սկանդինավյան երկրների փորձը