CivilnetԵվրո 2016-ի ընտրական փուլի երկրորդ տուրում աշխարհի գործող չեմպիոն Գերմանիայի հավաքականը հյուրընկալվելիս 0:2 հաշվով զիջեց Լեհաստանի ընտրանուն: Գերմանիայի պարտությունը ոչ միայն սենսացիա էր, այլև` պատմական. Եվրոպայի և աշխարհի առաջնությունների ընտրական փուլերում գերմանացիները վերջին անգամ պարտվել էին 16 տարի առաջ` 1998 թ. (33 հանդիպում առանց պարտության):
D խմբի մյուս խաղերում Շոտլանդիան 1:0 հաշվով առավելության հասավ Վրաստանի նկատմամբ, Իռլանդիան էլ 7:0 հաշվով ջախջախեց Ջիբրալթարին: Երկրորդ տուրից հետո Լեհաստանն ու Իռլանդիան 6-ական միավորով գլխավորում են խումբը, Գերմանիան ու Շոտլանդիան 3-ական միավոր ունեն, իսկ Վրաստանը և Ջիբրալթարը միավորներ չունեն:
Երեկ ևս 3 հանդիպում կայացավ F խմբում. Ռումինիա - Հունգարիա` 1:1, Ֆինլանդիա - Հունաստան` 1:1, Հյուսիսային Իռլանդիա - Ֆարերյան Կղզիներ` 2:0: Երկրորդ տուրից հետո Հյուսիսային Իռլանդիան 6 միավորով առաջին տեղում է, Ռումինիան և Ֆինլանդիան 4-ական միավոր ունեն, Հունգարիան և Հունաստանը` մեկական, իսկ Ֆարերյան Կղզիները միավոր չունի:
I խմբում երեկ կայացած հանդիպումներին` Հայաստան - Սերբիա (1:1), Ալբանիա - Դանիա (1:1), արդեն անդրադարձել ենք:
