Civilnet2021-ի վերջին Հայաստանն ու Թուրքիան հատուկ բանագնացներ նշանակեցին՝ սկսելով հարաբերությունների կարգավորման ջանքերի հերթական փուլը։ Հայաստանի և Թուրքիայի տարբեր վարչակազմեր շարունակաբար ձեռնամուխ են եղել հարաբերությունների կարգավորմանը, սակայն ապարդյուն։ Այնուամենայնիվ, որոշ վերլուծաբաններ կարծում են, որ այս անգամ կարող է տարբեր լինել: ՍիվիլՆեթի նկարահանող թիմը փետրվարին մեկնել էր Ստամբուլ՝ ավելի լավ հասկանալու Թուրքիայի տեսանկյունը, Ադրբեջանի դերը կարգավորման գործընթացում և թե ինչպես Թուրքիայում առաջիկա համապետական ընտրությունները կարող են փոխել Հայաստանի նկատմամբ այդ երկրի քաղաքականությունը։
ՍիվիլՆեթի նկարահանող թիմը ճամփորդել է հայ փորձագետների խմբի հետ, որոնք իրենց այցը Թուրքիա իրականացնում էին Միացյալ Թագավորության կառավարության «Հակամարտությունների, կայունության և անվտանգության հիմնադրամի» ծրագրի շրջանակում։ Ծրագրի նպատակն է Հայաստանի հասարակությանն ու կառավարությանը ներգրավել անվտանգ տարածաշրջանի օրակարգի մշակման գործին։
