Զբաղվածության քվոտա՝ հաշմանդամություն ունեցողների համար. Զարուհի Բաթոյանի առաջարկը

«Քաղաքացիական պայմանագիր» խմբակցության պատգամավոր Զարուհի Բաթոյանն առաջարկում է հաշմանդամություն ունեցող անձանց համար զբաղվածության քվոտա ներդնել. ՍիվիլՆեթի Գևորգ Թոսունյանի հետ զրույցում նա ընդգծում է՝ նման պրակտիկա գործում է Եվրոպական միության 27 երկրներից 21-ում։ «ԵՄ-ում 20-ից կամ 50-ից ավելի աշխատող ունեցող կազմակերպությունները պարտավոր են որոշակի տոկոս՝ 2-5, իսկ առանձին դեպքերում՝ 7 տոկոսով ապահովել հաշմանդամություն ունեցող անձանց զբաղվածությունը», - հայտնեց Բաթոյանը։ Պատգամավորն անդրադառնում է նաև պետական մարմիների աշխատանքին ու մտահոգիչ վիճակագրությանը։