CivilnetՊԿԿ-ն, ամբողջովին դուրս է բերում իր ուժերը Թուրքիայից։ Այդ մասին կառույցը նշել է հոկտեմբերի 26-ին։ Թուրքական իշխանությունները սպասում են, որ ՊԿԿ-ն այդ քայլին կդիմի նաև Թուրքիային հարակից այլ շրջաններում, մասնավորապես Իրաքում։
Այս քայլը պատմական է, սակայն այն պետք է դիտարկել ամբողջության մեջ։ ՊԿԿ-ն դեռևս մայիսին հայտարարեց Թուրքիայում զինված պայքարը դադարեցնելու մասին, իսկ նրա անդամներից ոմանք՝ խորհրդանշական ձևով այրեցին իրենց զենքերը վայր դնելով։
Որոշումը PKK-ի հիմնադիր՝ ներկայում ցմահ ազատազրկված Աբդուլահ Օջալանի ուղերձի ուղիղ հետևանքն էր։ Թուրքական իշխանության հետ երկարուձիգ բանակցություններից հետո նա քրդական զինված ուժերին կոչ արեց դադարեցնել զինված պայքարը Թուրքիայի դեմ։
Փոխարենը քրդերն ակնկալում են դառնալ Թուրքիայի լիարժեք քաղաքացի՝ դրանից բխող քաղաքական ու իրավական ձևակերպումներով։
ՊԿԿ-ն Անկարային կոչ է անում պատասխան քայլեր անել՝ հանուն ազատ, ժողովորդավարական և եղբայրական կյանքի։
Մարքսիստ-լենինիստական հայացքներով ՊԿԿ-ն Օջալանի գլխավորությամբ Թուրքիայի դեմ զինված պայքարը սկսել է 1984-ից՝ սկզբում պականջելով անկախության, հետո՝ տարիների ընթացքում ինքնավարություն։ Չնայած Օջալանը 1999-ից ցմահ պատիժ է կրում Թուրքիայում, PKK—ն շարունակում է կարևոր գործոն հանդիասնալ Թուրքիայում և նրա սահմաններից դուրս։
