Կրթական բարեփոխումների բարդ և ցավոտ կողմերը

Հայաստանի կրթական համակարգը շարունակական փոփոխությունների փուլում է։ Արագ փոխվող աշխարհը, հասարակությունները և տնտեսությունները կրթությունից մշտական վերանայում և նոր մոտեցումներ են պահանջում։ Մինչդեռ բարեփոխումները հաճախ բարդ և ցավոտ գործընթաց են։ Դպրոցները կարող են զարգանալ միայն այն դեպքում, երբ ունեն սովորելու և փոփոխություններին հարմարվելու մշակույթ։ Դպրոցների զարգացումը պահանջում է համընդհանուր տեսլական, լսված լինելու զգացում և վստահություն, որ փոփոխությունը մարդկանց համար է, ոչ նրանց դեմ։