Հայկական գյուղմթերքի ներմուծման և տարանցման վրա Ռուսաստանի արգելքը նոր իրականություն է պարտադրում Հայաստանի տնտեսությանը։ Ի պատասխան՝ կառավարությունը 4 մլրդ դրամ է հատկացնում արտահանումը սուբսիդավորելու և արագ նոր շուկաներ գտնելու համար։
Արդյոք այս ֆինանսական ներարկումը լուծո՞ւմ է շուկաների դիվերսիֆիկացիայի խնդիրը, թե՞ ընդամենը իրավիճակային միջամտություն է հետևանքները մեղմելու նպատակով։ Պատրա՞ստ են արդյոք հայաստանցի ֆերմերներն ու արտահանողները եվրոպական և մերձավորարևելյան շուկաների չափանիշներին ու լոգիստիկ մարտահրավերներին։ «ՍիվիլՆեթ բիզնեսի» այս հարցերի շուրջ զրուցել ենք գյուղատնտես, Davtyan Farms ընկերության հիմնադիր Դավիթ Դավթյանի հետ:
