Գլխավոր Լրահոս

Հայ ըլլալը ընտրութիւն է. «Ճակատաբաց»՝ Ստեփան Փարթամեանին հետ

«Ճակատաբաց» փոտքասթ-հաղորդաշարի 16-րդ դրուագին հիւրն է Ստեփան Փարթամեանը՝ Լիբանան ծնած, Ամերիկայի Միացեալ Նահանգներ հաստատուած, հայալեզու հեռատեսիլի հաղորդավար, մշակութային գործիչ եւ հեղինակ։ Երեւանի սրտին մէջ, Պետոն ու Ռուբէնը կը հիւրընկալեն Փարթամեանը, որ տասնամեակներ շարունակ Քալիֆորնիոյ հայութեան եւ սփիւռքի տարածքին ճանչցուած է որպէս սուր քննադատ։

Զրոյցը կը սկսի Լիբանանի իր մանկութենէն եւ 1981-ի ԱՄՆ հաստատուելէն, ապա կը ծաւալի «Գառնի» ձայնահրատարակչատան, System of a Down-ի նախնական տարիներուն, «Բարի լոյս» եւ «Ձեր կարծիքը» յայտագիրներուն, հայկական ինքնութեան հասկացողութեան, Armenian Arts- կեդրոնի եւ իր կողմէ կազմակերպուած «GiniFest» գինիի փառատօնին շուրջ։ Փարթամեան կը շեշտէ, որ հայ ըլլալը պարտաւորութիւն չէ, այլ ընտրութիւն եւ, որ մակերեսային «հայկականութիւնը» բաւարար չէ։

Հիմնական կէտեր

- Լիբանան եւ ԱՄՆ. Փարթամեան ծնած է Լիբանան։ Մանկութեան մէկ մասը անցուցած է հոն՝ քաղաքացիական պատերազմի տարիներուն։ Հայրը աշխատած է շարժապատկերի ոլորտին մէջ (Studio Beirut)։ Յաճախած է հայկական նախակրթարան, ապա արաբական դպրոց։ 1981-ին, 19 տարեկանին, Քալիֆորնիա փոխադրուած է, ուսանած՝ California State University, Northridge-ի Radio-Television-Film բաժինը։

- «Գառնի» եւ System of a Down. 1990-ին հիմնած է «Գառնի» ձայնահրատարակչատունը, որ արտադրած է աւելի քան 50 ալպոմներ եւ հանրութեան ծանօթացուցած է բազմաթիւ հայ երաժիշտներու։ 1997-ին հրատարակած է «Hye Enk - April 24» հաւաքածոն, ուր տեղ գտած է System of a Down-ի նախնական նմոյշ՝ «P.L.U.C.K.» երգը։

- Հեռատեսիլային քննադատ. «Բարի լոյս» եւ «Ձեր կարծիքը» յայտագիրներով դարձած է հայաշխարհի ամենէն սուր քննադատներէն մէկը, խօսելով եկեղեցւոյ, կուսակցութիւններու, դպրոցներու իր ձեւով ըսած՝ «ձեւականութեան, օտարամոլութեան եւ կեղծ բարեգործութեանց մասին»։ Կ’ըսէ, որ նպատակը եղած է հայութիւնը իր թմբիրէն արթնցնել, ոչ թէ պարզապէս վիրաւորել։

- Ինքնութիւն եւ գիւտարարներ. Կը պնդէ, որ հայ ըլլալը արեան կամ ծնունդի հարց չէ, այլ անձնական ընտրութիւն։ Միաժամանակ տարիներ շարունակ վաւերագրած է հայ գիւտարարներ եւ անոնց յաջողութիւնները («Այո՛, մենք ենք», «Yes, We Have» հատորներ, Partam App)։ Կ’ըսէ, որ կարելի է լաւագոյն բժիշկն ըլլալ եւ միեւնոյն ժամանակ ըլլալ «ամենէն ապուշ հայը»։

- Մշակոյթ եւ գինի. Armenian Arts-ի եւ մեծ համերգներու միջոցով փորձած է հայկական մշակոյթը հասցնել ոչ-հայ լսարանին։ Նոյն տրամաբանութեամբ կազմակերպած է գինիի փառատօն (Gini Fest), որ կը ներկայացնէ հայկական գինին ամերիկացի մասնագէտներուն եւ հանրութեան։

- Առասպելներ եւ իրականութիւն. Զրոյցի աւարտին կը քննադատէ ազգային առասպելներու գերակայութիւնը եւ կը պնդէ, որ հայկական ինքնութիւնը պէտք է զարգանայ գիտակցութեամբ, ոչ թէ միայն «թանգարանային» պահպանութեամբ։

Այս դրուագը կը ներկայացնէ Ստեփան Փարթամեանի յատուկ եւ յաճախ վիճելի հայեացքը հայկական ինքնութեան, մշակոյթի եւ համայնքային կեանքի մասին։ Ան կը շեշտէ, որ քննադատութիւնն ու փառաբանումը կրնան գոյակցիլ, եթէ նպատակը իսկական, գիտակից հայ ըլլալն է։

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում