CivilnetՀարավկորեական Samsung ընկերությունը պատրաստվում է Galaxy S4 սմարթֆոնի նոր տարբերակի թողարկմանը, որը պաշտպանված կլինի փոշուց և խոնավությունից, հաղորդում է Verge-ը:
Active (I9295) անվանումով այս սմարթֆոնի լուսանկարներն ու տեսանյութը հայտնվել են սոցցանցում: Նշվում է, որ Galaxy S4 Active-ը կունենա 1,9 ԳՀց հաճախականությամբ քառամիջուկ Snapdragon 600 պրոցեսոր և Adreno 320 տեսաքարտ, մոտ 5-դյույմանոց Full HD էկրան և 8 Մգպ տեսախցիկ: Ի տարբերություն Galaxy S4-ի` Active-ը կունենա հետնամասի մետաղյա կափարիչ, իսկ էկրանի ներքևի մասում 3 ստեղն` 1-ի փոխարեն: Աղբյուրի հաղորդմամբ` Samsung-ը Խորվաթիայում կազմակերպել է Active-ի գաղտնի ցուցադրություն, հետևաբար` այն շուտով կներակայացվի:
MobileTechReview աղբյուրը համացանցում Active-ի նկարագրության հոլովակ է հրապարակել, ինչից կարելի է եզրակացնել, որ նորույթը կներկայացվի երկու տարբերակով` քառամիջուկ պրոցեսորով` նախատեսված ԱՄՆ-ի և ութմիջուկանոց պրոցեսորով` Եվրոպայի շուկայի համար:
