CivilnetԱշխարհի լավագույն ֆուտբոլիստները մասնակցել են «11-ն ընդդեմ Էբոլայի» ակցիային, որը կազմակերպել է ՖԻՖԱ-ն։
Ակցիային մասնակցել են այնպիսի ֆուտբոլիստներ, ինչպիսիք են Մադրիդի «Ռեալի» հարձակվող Կրիշտիանո Ռոնալդուն, «Բարսելոնայի» հարձակվող Նեյմարը, «Չելսիի» հարձակվող Դիդյե Դրոգբան, «Բավարիայի» պաշտպան Ֆիլիպ Լամը և այլն։ Բացի 11 ֆուտբոլիստներից, ակցիային մասնակցել է նաև մեկ մարզիչ՝ «Բավարիայի» գլխավոր մարզիչ Պեպ Գվարդիոլան։
Ակցիան իրականացվել է «Միասին մենք կհաղթենք Էբոլան» կարգախոսի ներքո։ Տեսահոլովակներում ֆուտբոլի ներկայացուցիչները հատուկ պաստառների միջոցով պատմում են Էբոլայի ախտանիշերի, նրա տարածման և այն կանխելու հնարավորությունների մասին։
Հիշեցնենք, որ Էբոլա համաճարակի տարածման գոտում գտնվող երկրներում վարակակիրների թիվը արդեն հասել է 14 հազարի: Գվինեայում, Լիբերիայում և Սիերա Լեոնեում արձանագրվել է մահացության 5000 և հիվանդացության 14 000 դեպք:
