Առանց համալսարանի՞ էլ կարելի է կրթվել․ «Կրթության տապան»

Այսօր գոյություն ունեն կրթություն ստանալու բազմաթիվ միջոցներ։ Հայաստանի համալսարանների մի ստվար մասի դիպլոմը գործատուներին ոչինչ չի ասում երիտասարդ մասնագետի իրական կարողությունների մասին։ Շատերը բողոքում են, որ համալսարանները վաղուց հետ են մնացել կյանքից, դրանք ծախսատար են և ժամանակատար։ Օտար երկրներում սովորելը է՛լ ավելի թանկ հաճույք է ու, դարձյալ, ոչ մի երաշխիք չի տալիս։ Եվ ուրեմն, այրդյոք արժե՞ ժամանակ, գումար և ջանք ծախսել համալսարանում սովորելու համար։ Արդյոք դրա փոխարեն ավելի ճիշտ չէ՞ իրական աշխատանքային փորձ կուտակել և զուգահեռաբար սովորել՝ ձեռք բերելով մասնագիտության համար անհրաժեշտ հմտություններ։