Բնակարանները դառնալու են դեֆիցիտ, գները չեն իջնելու. Արայիկ Գոջաբաշյան

Հայաստանում բնակարան ձեռք բերելու ճիշտ ժամանակը հիմա է, պետք չէ սպասել գների իջեցման, դա չի լինելու, ասում է «ԱՐԳՈ Ռիելթի» ընկերության հիմնադիր Արայիկ Գոջաբաշյանը «ՍիվիլՆեթ բիզնեսի» հետ զրույցում: Նրա խոսքով՝ մի քանի բացասական գործոնների, այդ թվում՝ եկամտահարկի վերադարձի օրենքի դադարեցման հետևանքով շուկայում մնալու են հիմնականում ֆինանսապես կայուն կառուցապատողները, որոնք չեն կարողանալու բավարարել առկա պանաջարկը: Սա իր հերթին, ըստ Գոջաբաշյանի, ծնելու է պակասուրդ, որը բարձր է պահելու բնակարանների գները: