Անտեսված կապ․ բուհերն ու աշխատաշուկան խոսում են տարբեր լեզուներով

Հայաստանի բուհերի մեծ մասը շրջանավարտների զբաղվածության վերաբերյալ վիճակագրություն չի վարում։ Տվյալները թերի են կամ չկան․ թե քանի շրջանավարտ է աշխատանքի անցնում իր մասնագիտությամբ՝ չգիտենք, չհաշված՝ մասնավոր դեպքերը։ Բացակայում է բուհ-աշխատաշուկա կապը։ Արդյունքում՝ կրթական համակարգը գործում է «կույր ռեժիմով»՝ չիմանալով, թե շրջանավարտները ինչ ճակատագիր են ունենում։ Ի՞նչ են տալիս ուսանողների աշխատանքի զբաղվածության տվյալները բուհերին, ինչքանո՞վ է կարևոր վիճակագրությունը՝ կրթական գործընթացը կազմակերպելու և շուկային հարմարեցնելու համար։