Եղեգնաձոր. անցյալում մնացած ձեռնոցների ֆաբրիկան
Եղեգնաձորի տրիկոտաժի (ձեռնոցների) ֆաբրիկան հիմնվել է 1980-ին: 1992-ին 1000-1200 բանվոր ունեցող ֆաբրիկայում աշխատողների 95 տոկոսը կին էր: Ֆաբրիկայի արտադրանքը արտահանվել է խորհրդային հանրապետություններ։ Երբեմնի աշխույժ ֆաբրիկայի հաստոցները համրացել են ու իրենց պատմությունը ծածկել փոշու հաստ շերտով։ Ֆաբրիկայի նախկին տնօրեն Հայկ Իսախանյանը շուրջ երեսուն տարի է՝ ստանձնել է արտադրամասի պահպանումը։ Պատերից ներս՝ աշխատողները կարծես դուրս են եկել ընդմիջման, և ուր որ է կսկսվի աշխատանքը:
