Փաշինյանը վախեցնում է պատերազմով, իսկ Ալիևը չի փոխում իր հռետորաբանությունը

Նիկոլ Փաշինյանի պնդումը, թե պատերազմը կամ խաղաղությունը կախված են նրանից, թե ով է կառավարում Հայաստանը, թուլացնում է Հայաստանի զսպման դիրքերը, կարծում է հակամարտությունների կարգավորման մասնագետ Հրայր Պալեանը։ ՍիվիլՆեթի Ստելլա Մեհրաբեկյանի հետ զրույցում նա նշում է, որ պատերազմի հավանական բռնկումը կախված է միանգամայն այլ գործոններից, օրինակ՝ Ադրբեջանի ներքին տնտեսական-քաղաքական իրավիճակից, արտաքին դերակատարների դիրքորոշումներից և այլն։ Խաղաղությունն ինստիտուցիոնալացնելու անհրաժեշտության մասին հարցին ի պատասխան՝ Պալեանն ասում է՝ խաղաղությունը պետք է արմատներ գցի հասարակությունների ներսում. սոսկ պայմանագիր ստորագրելը բավարար չէ։