Lumia 928-ը ցուցադրվել է Nokia-ի պաշտոնական կայքում
CivilnetԲջջային սարքավորումներ արտադրող ֆիննական Nokia ընկերությունն իր պաշտոնական կայքում ներկայացրել է Windows Phone 8 օպերացիոն հարթակով աշխատող նոր սմարթֆոնը` Lumia 928-ը, հաղորդում է TechCrunch-ը:
Nokia-ի պաշտոնական կայքում նոր սմարթֆոնի բնութագրիչները ներկայացված չեն, միայն հայտնի է, որ այն ունի PureView տեխնոլոգիայով և Carl Zeiss օպտիկայով հագեցած 8.7 Մգպ տեսախցիկ:
Տարբեր աղբյուրների տվյալների համաձայն` Lumia 928-ը կունենա քսենոնային լուսարձակ, LTE բջջային ցանցերի հետ աշխատելու հնարավորություն, 4.5-դյույմանոց HD PureMotion էկրան, 2 ԳՀց հաճախականությամբ պրոցեսոր: Սակայն համոզվելու համար, թե որքանով են այս տվյալները համապատասխանում իրականությանը, պետք է սպասել սմարթֆոնի շնորհանդեսին, որը տեղի կունենա մայիսի 14-ին:
Lumia 928-ի և Galaxy S3-ի ու iPhone 5-ի տեսախցիկների նկարահանման գործառույթի տարբերություններին կարելի է ծանոթանալ ներկայացված տեսանյութում:
