CivilnetYouTube երաժշտական ծառայության տեսանյութերի խմբագրման համակարգում նոր գործառույթ է հայտնվել, որը հնարավորություն է տալիս կիրառել դանդաղեցված նկարահանման slow-motion էֆեկտը, հաղորդում է Verge-ը: Տեսանյութի գործարկման արագությունը կարող է կազմել նախնական արագության 12,5, 25 կամ 50%-ը:
Նոր գործառույթից օգտվելու համար հարկավոր է մուտք գործել «վիդեո մենեջեր» բաժինը, սեղմել «փոփոխել» ստեղնը, այնուհետ անցնել «թարմացնել տեսանյութը» պատուհանին:
Հիշեցնենք, որ YouTube-ի տեսանյութերի խմբագրման ծառայությունը ստեղծվել է 2011թ. սեպտեմբերին, որի ներկառուցված գործիքների շնորհիվ հնարավոր է շրջել լուսանկարը ժամսլաքի և հակառակ ուղությամբ, շտկել լույսի մակարդակը, ինչպես նաև ավելացնել կամ նվազեցնել գունային ինտենսիվությունը: Փոփոխությունների մուտքագրումից հետո բոլոր մեկնաբանություններն ու դիտումների քանակը պահպանվում է:
2012թ. մարտից YouTube-ի տեսանյութերի խմբագրման հնարավորություններն ընդլայնվել են, որոնց շնորհիվ օգտատերերը մեկ հպումով կարող են ավելացնել երաժշտություն և տեքստային էֆեկտներ, կայունացնել, շրջել պատկերը և այլն:
