CivilnetԻսպանիայի առաջնության 20-րդ տուրում մրցաշարային աղյուսակի առաջատարներ Մադրիդի «Ռեալն» ու «Բարսելոնան» հերթական հաղթանակները տարան:
«Արքայական ակումբը» դժվարությամբ հաղթահարեց համեստ «Կորդոբայի» արգելքը` հաղթանակ կորզելով 89-րդ րոպեին Գարեթ Բեյլի իրացրած 11 մետրանոցի շնորհիվ: Խաղի հաշիվը 3-րդ րոպեին բացեց Նաբիլ Գիլասը (11 մ.), իսկ 27-րդ րոպեին Քարիմ Բենզեման հավասարեցրեց այն: Նշենք, որ մադրիդցիների առաջատար Կրիշտիանո Ռոնալդուն մրցակցի ֆուտբոլիստին հարվածելու համար 82-րդ րոպեին հեռացվեց խաղադաշտից:
Ի տարբերություն «Ռեալի», «Բարսելոնան» շատ հեշտ հաղթանակ տարավ. կատալոնացիները 6 անպատասխան գնդակ ուղարկեցին «Էլչեի» դարպասը, Մեսսին և Նեյմարը մեկական դուբլ ձևակերպեցին, մեկական անգամ էլ աչքի ընկան Պիկեն ու Պեդրոն:
Այժմ «Ռեալն» իր ակտիվում ունի 48 միավոր, «Բարսելոնան»` 47, մադրիդցիները մեկ հանդիպում պակաս են անցկացրել:
